Google Workspace
Oppsett og drift av Google Workspace — e-post på eige domene, delte kalendrar og dokument, éin stad. Vi flyttar det de har, og er kontaktpunktet etterpå.
For bedrifter som vil ha profesjonell e-post, delte kalendrar og dokument som fungerar på alle einingar — utan å drifte det sjølve.
Del av: Alt heng samanKort svar
Kva er Google Workspace?
Google Workspace er Google sine bedriftsverktøy: Gmail på eige domene (post@dittfirma.no), Kalender, Drive, Dokument, Meet og Chat — delt i heile bedrifta og styrt frå éin administrasjon. Det er det same som privat-Gmail i bruk, men med dykkar namn, dykkar data og full kontroll over kven som har tilgang.
Skilnaden frå gratis e-post er kontroll og truverd. E-post frå eige domene vert oppfatta som seriøs og hamnar sjeldnare i søppelpost — når SPF, DKIM og DMARC er rett sett opp, noko vi gjer. Når nokon sluttar, tek de tilbake e-posten og dokumenta med eitt klikk.
Vi set opp Google Workspace, flyttar e-post, kontaktar og kalendrar frå det de har i dag, set opp einingar og tryggleik, og lærer opp dei som skal bruke det. Etterpå er vi kontaktpunktet — de slepp å ringje Google. Alt vert dokumentert, så de veit kva som er sett opp i Google Workspace og kvifor.
Kva du får
Det som er med — og kvifor det er med.
- Oppsett av domene og e-postBrukarar, grupper (post@, faktura@), signaturar og rett DNS med SPF, DKIM og DMARC så posten kjem fram.
- Flytting frå dagens løysingE-post, kontaktar og kalendrar frå Outlook, Exchange, gammalt webhotell eller privat-Gmail — utan tap og utan nedetid.
- Delte kalendrar, Drive og dokumentStruktur for felles filer og kalendrar, rettar per avdeling, og deling som ikkje lek.
- Tryggleik og einingarTostegsverifisering, gjenoppretting, tilgangsstyring og oppsett på telefon og PC.
Slik jobbar vi
Frå første samtale til målbart resultat.
Same folk heile vegen. Fast pris før vi startar, og éin å ringje undervegs.
- Steg 1
Kartlegging
Kva bruker de i dag, kor mange brukarar, kva må flyttast, kva skal skiljast ut?
- Steg 2
Oppsett
Google Workspace-konto, domene, DNS, brukarar, grupper og tryggleik. Testa før noko vert flytta.
- Steg 3
Flytting
E-post, kalender og kontaktar vert kopierte over. Vi peikar posten om på eit tidspunkt som passar dykk.
- Steg 4
Opplæring
Ein times gjennomgang for alle: e-post, kalender, Drive og deling. Skriftleg rettleiing etterpå.
- Steg 5
Drift og støtte
Vi er kontaktpunktet: nye brukarar, folk som sluttar, spørsmål og problem.
Sveip for neste steg
Kvifor Presense
Éin samtale. Ikkje fem leverandørar.
- 01
Éin telefon for e-post, nettside og domene
Når e-posten sluttar å verke, er det ofte DNS eller domene. Hos oss er alt éin stad, så vi finn feilen raskt.
- 02
Rett sett opp frå starten
SPF, DKIM, DMARC, gjenoppretting, delingsreglar. Det folk hoppar over, er det som kostar seinare.
- 03
Vi tek oss av Google
De slepp å leite etter støtte hos Google. Vi kjenner administrasjonen og ordnar det.
Relaterte case
Det vi har bygd med denne tenesta.
Dei første casa er på veg — bli vårt neste case.
Vi publiserer berre case der vi kan vise ekte tal og ekte kundar. Sjå case-arkivet, eller ta kontakt så viser vi gjerne kva som fungerte.
Bli vårt neste caseSpørsmål og svar
Spørsmåla vi får oftast.
Korte, ærlege svar. Finn du ikkje ditt, er det berre å ringje.
Kva kostar Google Workspace for ei lita bedrift?
Google tek ein fast pris per brukar per månad, avhengig av plan (lagringsplass og funksjonar). I tillegg kjem eit eingongsbeløp for oppsett og flytting hos oss. Vi hjelper dykk å velje rett plan, så de ikkje betaler for meir enn de bruker. Oppsettet får de fast pris på førehand.
Kan vi flytte e-posten vår utan å miste noko?
Ja. Vi kopierer over all e-post, mapper, kontaktar og kalendrar før vi peikar posten om, og køyrer ein ny synkronisering etterpå. Gamle system får stå til de er trygge på at alt er med.
Kva er skilnaden på Gmail og Google Workspace?
Same grensesnitt, ulikt eigarskap. Med Workspace er e-posten på dykkar domene, data tilhøyrer bedrifta, de kan styre tilgang og gjenopprette kontoar, og de får meir lagring, delte kalendrar og støtte. Privat-Gmail er personleg og kan ikkje administrerast av bedrifta.
Korleis får vi e-post på eige domene?
De treng eit domene (det ordnar vi om de ikkje har), ein Google Workspace-konto og rett DNS-oppsett. Vi gjer alt saman, og set opp SPF, DKIM og DMARC så posten dykkar vert stolt på.
Kven hjelper oss etter oppsettet?
Vi. Nye brukarar, folk som sluttar, delingsspørsmål, telefonar som ikkje synkroniserer — ring eller send ein e-post, så tek vi det. Som fast kontaktpunkt for Google Workspace svarer vi same dag på kvardagar, og vi held oversikt over lisensar og fornying, så de slepp overraskingar på fakturaen.
Kan vi bruke Outlook med Google Workspace?
Ja, Outlook og Apple Mail fungerer mot Google Workspace. Dei fleste går likevel over til Gmail i nettlesar og app etter ei stund, fordi søk og deling er betre der. Vil de halde fram med Outlook, set vi det opp mot Google Workspace og viser skilnadene i ein kort gjennomgang.
Korleis fungerer Google Workspace på telefon?
Gmail, Kalender, Drive og Meet finst som appar for iPhone og Android, og innlogginga er den same som på PC. Vi set opp appane på telefonane til dei som skal bruke dei, med tostegsverifisering, slik at bedrifta kan fjerne tilgangen om ein telefon vert borte. Google Workspace fungerer like godt i nettlesar som i app.
Kva skjer med e-posten når nokon sluttar?
De tek over kontoen frå administrasjonen: set opp automatisk svar, overfører e-post og dokument til ein kollega, og slettar eller pausar kontoen etterpå. Ingenting går tapt, og den som slutta, mistar tilgangen same dag. Det er noko av det viktigaste Google Workspace gir samanlikna med privat e-post.
Kan vi ha fleire domene i same Google Workspace?
Ja. Eit selskap med fleire merkenamn kan ha alle domena i éin administrasjon, med e-postadresser på kvart domene og felles kalendrar og dokument. Vi set opp DNS med SPF, DKIM og DMARC for kvart domene. Google si eiga hjelp for administratorar beskriv detaljane om de vil sjå korleis det heng saman.
Kan vi behalde e-postadressene vi har i dag?
Ja. Adressene følgjer domenet, ikkje leverandøren, så post@dittfirma.no vert den same i Google Workspace som før. Vi opprettar brukarane med same adresser, flyttar innhaldet, og legg til alias for gamle adresser om nokon har bytt namn. Kundane dykkar merkar ingenting anna enn at posten kjem fram.
Heng saman med
Tenester som forsterkar denne.
Neste steg
Klar for ei nettside som heng saman med resten?
Fortel oss kort om prosjektet, så svarer vi sjølv — ikkje eit callsenter.
Eller ring 905 02 378 — vi tek telefonen.