Kva desse vilkåra gjeld
Vilkåra gjeld alle oppdrag og løpande avtalar mellom Presense Konsult AS («Presense») og kunden, med mindre anna er avtalt skriftleg i tilbod eller kontrakt. Tilbodet og desse vilkåra utgjer saman avtalen.
Tilbod og avtale
Alle tilbod er skriftlege og gjeld i 30 dagar om ikkje anna står i tilbodet. Avtalen er inngått når kunden har godkjent tilbodet skriftleg (e-post held). Endringar i omfang undervegs vert avtalte skriftleg før arbeidet vert utført, med eventuell prisjustering.
Pris og betaling
Prisar er oppgitte eksklusive meirverdiavgift. Faste prosjekt vert fakturerte med 50 % ved oppstart og 50 % ved lansering. Går prosjektet over meir enn tre månader, kan vi avtale delfakturering undervegs. Løpande tenester (annonsestyring, drift, hosting, Google Workspace) vert fakturerte månadleg på forskot.
Betalingsfrist er 14 dagar frå fakturadato. Ved forseinka betaling påløper forseinkingsrente etter forseinkingsrentelova. Annonsebudsjett til Google og Meta vert betalt av kunden direkte til plattforma og er ikkje ein del av Presense sitt honorar.
Kunden sitt ansvar
Kunden leverer innhald, tilgangar og avklaringar til avtalt tid, og har rettane til alt materiale kunden leverer (tekst, bilete, logo, video). Forseinkingar frå kunden si side kan flytte leveringsdato tilsvarande.
Eigarskap og rettar
Når fullt oppgjer er motteke, eig kunden det som er laga spesielt for kunden: nettsida, designet, tekstane og originalfilene. Domene, WordPress-installasjon og kontoar (Google Ads, Meta, Analytics, Workspace) vert oppretta i kunden sitt namn.
Presense beheld retten til å bruke generelle metodar, kode og komponentar som ikkje er unike for kunden, og til å vise arbeidet som referanse dersom kunden ikkje har reservert seg mot det.
Lisensar på tredjepartsprogramvare (tema, tillegg, fontar, biletbankar) følgjer lisensgjevar sine vilkår.
Løpande avtalar og oppseiing
Løpande tenester har inga bindingstid utover den første månaden, og kan seiast opp skriftleg av begge partar med éin månads varsel til utgangen av ein kalendermånad. Ved oppseiing hjelper vi med å overføre tilgangar, kontoar og data til kunden eller til ein ny leverandør, slik at ingenting vert liggjande hos oss. Arbeid som allereie er utført eller bestilt, vert fakturert som normalt.
Ansvar
Presense leverer tenestene fagleg forsvarleg, men kan ikkje garantere bestemte resultat i søkjemotorar, annonseplattformer eller sal. Presense er ikkje ansvarleg for indirekte tap, tapt forteneste eller tap som skuldast tredjepartar (plattformendringar, nedetid hos underleverandørar, angrep). Samla erstatningsansvar er avgrensa til det kunden har betalt for den aktuelle tenesta dei siste 12 månadene.
Personvern
Behandling av personopplysningar er skildra i personvernerklæringa. Der Presense behandlar personopplysningar på vegner av kunden (til dømes i skjema på kunden si nettside eller i Google Workspace), vert det inngått databehandlaravtale.
Tvistar
Avtalen er regulert av norsk rett. Usemje skal først søkjast løyst gjennom dialog. Fører ikkje det fram, er Sogn og Fjordane tingrett verneting.